കോഴിക്കോട് : മനോരമ ഹോർത്തൂസ് പുസ്തകശാലയിൽ കൂടുതൽ പുസ്തകങ്ങൾക് 50% ഡിസ്കൗണ്ട്. യുനെസ്കോ സാഹിത്യനഗരത്തിലെ വായനാസമൂഹവുമായി ഐക്യദാർഢ്യത്തിന്‍റെ ഭാഗമായാണ് ഈ ഇളവ് നൽകിയത്. ശേഷിക്കുന്ന കോപ്പികൾ തീരുന്നതു വരെയായിരിക്കും ഇത്. മറ്റു പുസ്തകങ്ങൾക്ക് 10% ഇളവുണ്ട്. കുട്ടികൾക്കുള്ള വിഭാഗത്തിൽ ഹാരി പോട്ടർ കംപ്ലീറ്റ് കലക്‌ഷൻ, വൺ പീസ് ജാപ്പനീസ് മാംഗ സീരീസ് എന്നിവയുടെ കൂടുതൽ കോപ്പികൾ എത്തിയിട്ടുണ്ട് . ഇവയ്ക്കും 10% ഇളവ് ലഭിക്കും.1888ൽ സ്ഥാപിതമായ മലയാള മനോരമയുടെ 136 വർഷത്തെ അക്ഷരപ്രയാണത്തെ അനുസ്മരിച്ച് 136 പുസ്തകങ്ങൾക്ക് മനോരമ ബുക്സ് പ്രഖ്യാപിച്ച 50% ഇളവും പുസ്തകശാല അടയ്ക്കുന്ന നവംബർ 10 വരെ തുടരും. ഈ വിഭാഗത്തിൽ സമ്പൂർണ്ണം, എംടി കഥേതരം, ഭാരതീയ ദർശനങ്ങൾ, ഫാമിലി ഡോക്ടർ തുടങ്ങിയ ബെസ്റ്റ് സെല്ലർ ടൈറ്റിലുകൾക്ക് പ്രധാനം ലഭിച്ചിരിക്കുന്നു. കുട്ടികളുടെ പുസ്തകങ്ങൾ അടുത്ത ദിവസങ്ങളിൽ കൂടുതൽ ലഭിക്കും എന്ന് പുസ്തകശാല അധികൃതർ അറിയിച്ചിട്ടുണ്ട്.
