കോഴിക്കോട് റെയിൽവേ സ്റ്റേഷനിലെ വിശ്രമമുറികളുടെ വാടക പുതുക്കിനിശ്ചയിച്ചു. 12 മണിക്കൂർ സമയത്തെ ഉപയോഗത്തിന് പുതുക്കിയ വാടകനിരക്കുകൾ ചുവടെ. ബ്രാക്കറ്റിൽ 24 മണിക്കൂർ നേരത്തെ ഉപയോഗത്തിനുള്ള വാടക: നോൺ എ.സി. ഡബിൾ റൂം - 400 (700), നോൺ എ.സി. 3 ബെഡ് - 500 (800), എ.സി. ഡബിൾബെഡ് - 700 (1200 രൂപയും 150 രൂപ ജി.എസ്.ടി.യും), എ.സി. ഡീലക്‌സ് - 800 (1500 രൂപയും 180 രൂപ ജി.എസ്.ടി.യും), ഡോർമെറ്ററി - 300 (500). ഒരുമാസം ഒന്നരലക്ഷം രൂപയോളം റെയിൽവേക്ക്‌ ഈ മുറികളുടെ വാടകയിനത്തിൽ ലഭിക്കുന്നുണ്ട്. കോവിഡിനുമുമ്പ് ഓൺലൈൻ ബുക്കിങ്‌ സൗകര്യം ഉണ്ടായിരുന്നു. ഇപ്പോൾ അതില്ല. രാത്രി പത്തുമുതൽ രാവിലെ പത്തുവരെയുള്ള സമയത്തേക്ക് മുറികൾ ബുക്കുചെയ്യാൻ സൗകര്യമുണ്ട്.
