താമരശ്ശേരി ഉപജില്ല സ്കൂൾ കലോത്സവം താമരശ്ശേരി ഗവ. ഹയർ സെക്കൻഡറി സ്കൂളിലും കോരങ്ങാട് ജി.എൽ.പി സ്കൂളിലുമായി ബുധൻ, വ്യാഴം ദിവസങ്ങളിൽ നടക്കുമെന്ന് സ്വാഗതസംഘം ഭാരവാഹികൾ വാർത്തസമ്മേളനത്തിൽ അറിയിച്ചു. 11 വേദികളിലായി 3000ത്തിൽപരം കലാപ്രതിഭകൾ 285 മത്സരയിനങ്ങളിലായി മാറ്റുരക്കും. മേളയുടെ ഉദ്ഘാടനം ബുധനാഴ്ച രാവിലെ 10ന് എം.കെ. രാഘവൻ എം.പി നിർവഹിക്കും.
കൊടുവള്ളി നിയോജക മണ്ഡലം എം.എൽ.എ എം.കെ. മുനീർ മുഖ്യാതിഥിയാകും. വ്യാഴാഴ്ച വൈകീട്ട് നാലിന് നടക്കുന്ന സമാപന സമ്മേളനം ലിന്റോ ജോസഫ് എം.എൽ.എ ഉദ്ഘാടനം ചെയ്യും.കട്ടിപ്പാറ ഗ്രാമപഞ്ചായത്ത് പ്രസിഡന്റ് മുഹമ്മദ് മോയത്ത് അധ്യക്ഷത വഹിക്കും. കൊടുവള്ളി ബ്ലോക്ക് പഞ്ചായത്ത് പ്രസിഡന്റ് കെ.എം. അഷ്റഫ് സമ്മാനദാനം നിർവഹിക്കും.
