രാമനാട്ടുകര സഹകരണബാങ്കിന്റെ നൂറാം വാർഷികത്തോടനുബന്ധിച്ചു നടത്തുന്ന രാമനാട്ടുകര ഫെസ്റ്റിനു തുടക്കമായി

ഫറോക്ക് പോലീസ് അസിസ്റ്റന്റ് കമ്മിഷണർ എ.എം. സിദ്ദിഖ് രാമനാട്ടുകര ഫെസ്റ്റ് ഉദ്ഘാടനം ചെയ്തു. രാമനാട്ടുകര സഹകരണബാങ്കിന്റെ നൂറാം വാർഷികത്തിന്റെ ഭാഗമായിറ്റാണ് മേള നടത്തുന്നത്. ബാങ്ക് ചെയർമാൻ വിജയൻ പി. മേനോൻ അധ്യക്ഷതവഹിച്ചു. 

ബൈപ്പാസ് ജങ്‌ഷന് സമീപമുള്ള വയലിലാണ് 27 വരെ നീളുന്ന പ്രദർശനം നടക്കുന്നത്. 35 സ്റ്റാളുകളാണ് മേളയിൽ ഒരുക്കിയിട്ടുള്ളത്. വിനോദ പരിപാടികളും ഉണ്ടാകും.

പരിയാരം മെഡിക്കൽ കോളേജ്, നീതി മെഡിക്കൽ ലാബ്, കൈത്തറിവകുപ്പ് എന്നിവയുടെ പ്രദർശനസ്റ്റാൾ, കുടുംബശ്രീ ഉത്പന്നങ്ങൾ വിപണനത്തിനുള്ള സ്റ്റാൾ, ഫ്ലവർഷോ, അക്വാ പെറ്റ് ഷോ, എന്നിവയും ഉണ്ടാകും. മൂന്നുമണിമുതൽ രാത്രി 9.30 വരെയാണ് പ്രദർശനസമയം. ടിക്കറ്റ് നിരക്ക് 30 രൂപ.