വൈറ്റ് വാട്ടർ കയാക്കിങ് ചാംപ്യൻഷിപ്; താരങ്ങൾ ചാലിപ്പുഴയിൽ പരിശീലനത്തിനെത്തി തുടങ്ങി

സംസ്ഥാന ടൂറിസം വകുപ്പും കേരള അഡ്വഞ്ചർ ടൂറിസം പ്രമോഷൻ സൊസൈറ്റിയും ഡിടിപിസിയും ത്രിതല പഞ്ചായത്തുകളും സംയുക്തമായി ജൂലൈ 25 മുതൽ 28 വരെ മലബാർ റിവർ ഫെസ്റ്റിവൽ രാജ്യാന്തര വൈറ്റ് വാട്ടർ കയാക്കിങ്  ചാംപ്യൻഷിപ് സംഘടിപ്പിക്കും.

ഇതിനോടനുബന്ധിച്ചിട്ട്  പുലിക്കയം ചാലിപ്പുഴയിൽ കർണാടകയിൽ നിന്നും കേരളത്തിലെ വിവിധ ജില്ലകളിൽ നിന്നുമുള്ള പുരുഷ–വനിതാ താരങ്ങൾ ചാലിപ്പുഴയിൽ പരിശീലനത്തിനെത്തി. തുടർ ദിവസങ്ങളിൽ വിദേശ താരങ്ങളും ഉത്തരേന്ത്യൻ സംസ്ഥാനങ്ങളിൽ നിന്നുള്ള താരങ്ങളും കോടഞ്ചേരിയിൽ എത്തും. 

പുലിക്കയത്ത് ചാലിപ്പുഴയിലും തിരുവമ്പാടി പഞ്ചായത്തിലെ പുല്ലൂരാംപാറ ഇലന്തുകടവ് ഇരുവഞ്ഞിപ്പുഴയിലും ചക്കിട്ടപാറ പഞ്ചായത്തിലെ മീൻതുള്ളിപാറയിൽ കുറ്റ്യാടി പുഴയിലുമാണു മത്സരങ്ങൾ.

ഒളിംപിക് മത്സരയിനങ്ങളായ സ്‌ലാലം, എക്സ്ട്രീം സ്‌ലാലം എന്നിവ ചാലിപ്പുഴയിലും ടൗൺ റിവർ, ബോട്ടർ ക്രോസ് എന്നിവ ഇരുവഞ്ഞിപ്പുഴയിലും ഫ്രീസ്റ്റൈൽ മത്സരം കുറ്റ്യാടി പുഴയിലും നടക്കും. തുഷാരഗിരി അഡ്വഞ്ചർ കയാക്കി...അക്കാദമി പ്രസിഡന്റ് പോൾസൺ ജോസഫ് അറയ്ക്കൽ, സെക്രട്ടറിയും കയാക്കിങ് ചീഫ് കോച്ചുമായ നിസ്തുൽ ജോസ്, ട്രഷറർ ബെനീറ്റോ ചാക്കോ എന്നിവർ താരങ്ങളെ സ്വീകരിച്ചു.