വിവിധ ഹയർസെക്കൻഡറി സ്‌കൂളുകളിലെ നാഷണൽ സർവീസ് സ്‌കീം (എൻഎസ്എസ്) വൊളന്റിയർമാർ ബോധവൽക്കരണ കാമ്പയിനിലൂടെ രക്തദാനം പ്രോത്സാഹിപ്പിക്കുന്നതിനായി ആരംഭിച്ച ‘ജീവ ദ്യുതി’ പദ്ധതിക്ക് കോഴിക്കോട് ജില്ലയിൽ വെള്ളിയാഴ്ച തുടക്കമായി. സിറ്റി കോർപ്പറേഷൻ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ എസ്.ജയശ്രീ ഉദ്ഘാടനം ചെയ്തു. കാലിക്കറ്റ് ഗേൾസ് ഹയർ സെക്കൻഡറി സ്കൂളിൽ നടന്ന ചടങ്ങിൽ യുവ രക്തദാതാക്കളെയും ആദരിച്ചു. എൻഎസ്എസ് ജില്ലാ കോഓർഡിനേറ്റർ എം.കെ. ഫൈസൽ പദ്ധതിയുടെ വിശദാംശങ്ങൾ അവതരിപ്പിച്ചു.
