പടവ്': പൊതുജനങ്ങളിൽ മാലിന്യ സംസ്കരണത്തിന്റെ പ്രാധാന്യത്തെ കുറിച്ച് അവബോധം സൃഷ്ടിക്കാനായ്

പൊതുജനങ്ങളിൽ മാലിന്യ സംസ്കരണത്തിന്റെ പ്രാധാന്യത്തെ കുറിച്ച് അവബോധം സൃഷ്ടിക്കാനായ് കോഴിക്കോട് ജില്ലാ ശുചിത്വ മിഷൻ ജില്ല ഭരണകൂടത്തോടൊപ്പം സഹകരിച്ച് നടത്തുന്ന ആദ്യത്തെ ചവിട്ടു പടിയാണ് ‘പടവ്‘.

മാലിന്യ സംസ്‌കരണം എന്ന പ്രശ്‌നത്തെ കുറിച്ച് ജനങ്ങളിൽ അവബോധം സൃഷ്ടിക്കാനായ് പ്രത്യേകം രൂപകൽപ്പന ചെയ്‌തിരിക്കുന്ന ഒരു IEC (ഇൻഫർമേഷൻ, എഡ്യൂക്കേഷൻ, കമ്മ്യൂണിക്കേഷൻ) വർക്ക്‌ഷോപ്പാണ് ‘പടവ്’.

ഈ ശിൽപശാലയുടെ പ്രാഥമിക ലക്ഷ്യം, ഫലപ്രദമായ മാലിന്യ സംസ്കരണത്തിൻ്റെ പ്രാധാന്യത്തെക്കുറിച്ച് അവബോധം വളർത്തുന്നതിൽ ശ്രദ്ധ കേന്ദ്രീകരിച്ച് കണ്ടന്റ്(content) നിർമ്മാണത്തിനായി സമർപ്പിതരായ പ്രഗത്ഭരായ യുവതകളുടെ ടീം സ്ഥാപിക്കുക എന്നതാണ്.

ഈ ടീം സൃഷ്‌ടിച്ച കണ്ടന്റ് (content) റീലുകൾ, പോസ്റ്ററുകൾ, പാട്ടുകൾ, കവിതകൾ, സ്‌കിറ്റുകൾ, വീഡിയോകൾ, ഫ്ലാഷ് മോബുകൾ എന്നിങ്ങനെ പല രീതിയിൽ രൂപകല്പന ചെയ്ത് വ്യാപിപ്പിക്കും.

ശിൽപശാലയിൽ പങ്കെടുക്കുന്നവർക്ക്

മാലിന്യ സംസ്കരണത്തെ കുറിച്ച് ആഴത്തിലുള്ള ഉൾക്കാഴ്ച്ചയും

വിജ്ഞാനപ്രദമായ കണ്ടന്റ് (content )സൃഷ്ടിക്കുന്നതിന് ആവശ്യമായ അറിവും നൈപുണ്യവും ലഭിക്കും. അതാത് മേഖലയിൽ പ്രഗത്ഭരായ വ്യക്തികളുടെ മാർഗനിർദേശങ്ങൾ നിങ്ങളുടെ നൈപുണ്യ വികസനത്തിന് സഹായിക്കും.

ശിൽപശാലയ്ക്ക് ശേഷം, കോർ ടീം തങ്ങളുടെ സ്വായത്തമാക്കിയ വൈദഗ്ധ്യം ഉപയോഗിച്ച് ജില്ലയുടെ മാലിന്യ സംസ്കരണ രംഗത്ത് ഗണ്യമായ സംഭാവന നൽകുന്നതിന് സഹകരിച്ച് പ്രവർത്തിക്കുന്നത് തുടരണം.

നിങ്ങളുടെ നിർമ്മിതികൾ പ്രാദേശിക സമൂഹത്തിൽ അവബോധം വളർത്തുന്നതിന് മാത്രമല്ല, ജില്ലാ ശുചിത്വ മിഷനും ജില്ലാ ഭരണ കൂടവും ഏറ്റെടുക്കുന്ന പ്രധാന വികസന പദ്ധതികളെ പിന്തുണയ്ക്കാനും സഹായിക്കും.

ടീമിൻ്റെ പ്രവർത്തനത്തനങ്ങൾ വിവിധ പ്ലാറ്റ്‌ഫോമുകളിൽ പ്രസിദ്ധീകരിക്കുകയും വിശാലമായ പ്രേക്ഷകരിലേക്ക് എത്തുകയും ചെയ്യും.

മാലിന്യ സംസ്കരണത്തിൽ വൈദഗ്ധ്യം വളർത്തിയെടുക്കാനുള്ള നിങ്ങളുടെ പ്രതിബദ്ധത അംഗീകരിച്ചുകൊണ്ട് ശിൽപശാലയിൽ പങ്കെടുത്തതിന് സർട്ടിഫിക്കറ്റുകൾ ലഭിക്കും.

ശില്പശാലക്ക് ശേഷം ജില്ലാ ഭരണകൂടത്തിനൊപ്പം ചേർന്ന് IEC പ്രവർത്തനങ്ങൾ മുന്നോട്ട് കൊണ്ട് പോകുന്നതിൽ സംഭാവന നൽകിയാൽ ജില്ലാ ശുചിത്വ മിഷൻ  നൽകുന്ന ഇന്റേൺഷിപ് സർട്ടിഫിക്കറ്റ് ലഭിക്കും.