ആർട്ടിഫിഷ്യൽ റിയാലിറ്റി സംവിധാനത്തോടെ പ്രവർത്തിക്കുന്ന മെഡിക്കൽ ഡെസ്പാച്ച് സിസ്റ്റം ഇനി മുതൽ ആസ്റ്റർമിംസിൽ

കോഴിക്കോട് ആസ്റ്റർമിംസിൽ ആർട്ടിഫിഷ്യൽ റിയാലിറ്റി സംവിധാനത്തോടെ പ്രവർത്തിക്കുന്ന മെഡിക്കൽ ഡെസ്പാച്ച് സിസ്റ്റം പ്രവർത്തനമാരംഭിക്കുന്നു. രോഗിക്ക് വിവിധ ഘട്ടങ്ങളിലുള്ള വൈദ്യസഹായമാണ് ഈരീതിയിൽ ഏകോപിപ്പിക്കുന്നത്. 

വൈദ്യസഹായത്തിന്റെ വിവിധതലങ്ങളെ ഉൾപ്പെടുത്തിക്കൊണ്ടുള്ള പ്രവർത്തനരീതിയാണിത്:

• ഓൺസൈറ്റ് കെയർ - ഇതിലൂടെ അത്യാഹിതസാഹചര്യങ്ങളിൽ അടിയന്തരമായി വൈദ്യസഹായം ലഭ്യമാക്കുക  
• പ്രൈമറി കെയർ - തൊട്ടടുത്തുള്ള മെഡിക്കൽ സംവിധാനങ്ങളിൽനിന്നും ചികിത്സ ലഭ്യമാക്കുക, ട്രാൻസ്പോർട്ട്‌ കെയർ - ആശുപത്രിയിൽ സുരക്ഷിതമായി രോഗി എത്തുന്നതുവരെ വാഹനത്തിൽ ചികിത്സ നൽകുക
• ഡെസ്റ്റിനേഷൻ കെയർ - അടിയന്തരമായി ആശുപത്രിയിൽ ലഭിക്കേണ്ട ചികിത്സ 

7510355666 എന്ന നമ്പറിൽ വിളിച്ചാൽ ഈ സിസ്റ്റത്തിന്റെ കോ-ഓർഡിനേറ്ററെ ലഭ്യമാകും. അപ്പോത്തിക്കരി മെഡിക്കൽ സർവീസസ് എന്ന മെഡിക്കൽ സ്റ്റാർട്ടപ്പ് സ്ഥാപനത്തിന്റെ സഹായത്തോടെയാണ് ഈ അടിയന്തര വൈദ്യസഹായരീതി നടപ്പാക്കുന്നത്. 

മെഡിക്കൽ ഡെസ്പാച്ച് സിസ്റ്റം ജൂലായ് ഒന്നിന് ഡോക്ടേഴ്‌സ്ദിനത്തിൽ പൂർണപ്രവർത്തനസജ്ജമാകും. മേയ് 27-ന് ട്രയൽറൺ ആരംഭിക്കും.

പത്രസമ്മേളനത്തിൽ ആസ്റ്റർ എമർജൻസി മെഡിസിൻ ഡയറക്ടർ ഡോ. വേണുഗോപാൽ, ഡോ. നൗഫൽ ബഷീർ, പി. ലുക്മാൻ, ഡോ. നദീം ഷാ ഹംസത്, ഡോ. ഹസ്‌ന സുബൈർ, ഡോ. ഷാഫിൻ ഫർഗാൻ എന്നിവർ പങ്കെടുത്തു.