മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വ​രു​ന്ന രോ​ഗി​ക​ൾ​ക്കും ഇനി മുതൽ നി​യ​മ​സ​ഹാ​യം ലഭ്യമാകും

ഇ​നി മുതൽ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്ന് അ​പ​ക​ട​ത്തി​ൽ​പ്പെ​ട്ടും ആ​ക്ര​മ​ണ​ത്തി​നി​ര​യാ​യും ചി​കി​ത്സ​ക്ക് എത്തുന്നവർക്ക് അ​ത്യാ​വ​ശ്യ നി​യ​മ​സ​ഹാ​യംല​ഭി​ക്കും. ഇ​തി​നാ​യി ജി​ല്ല നി​യ​മ​സേ​വ​ന അ​തോ​റി​റ്റി​യു​ടെ ലീ​ഗ​ൽ എ​യ്ഡ് ക്ലി​നി​ക് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വ​ർ​ത്ത​നം ആ​രം​ഭി​ച്ചു. കോ​ഴി​ക്കോ​ട് പ്രി​ൻ​സി​പ്പ​ൽ ജി​ല്ല ജ​ഡ്ജി​യും നി​യ​മ​സേ​വ​ന അ​തോ​റി​റ്റി ചെ​യ​ർ​മാ​നു​മാ​യ മു​ര​ളി കൃ​ഷ്ണ ക്ലി​നി​ക്ക് ഉ​ദ്ഘാ​ട​നം ചെ​യ്തു.

ക്ലി​നി​ക്കി​ൽ വി​ദ​ഗ്ധ​രാ​യ അ​ഭി​ഭാ​ഷ​ക​രു​ടെ​യും പാ​രാ​ലീ​ഗ​ൽ വ​ള​ന്റി​യ​ർ​മാ​രു​ടെ​യും സേ​വ​നം ല​ഭ്യ​മാകുന്ന ലീ​ഗ​ൽ എ​യ്ഡ് ക്ലി​നി​ക് ആ​ശു​പ​ത്രി​യിലെ നാ​ലാം വാ​ർ​ഡി​ന് സ​മീ​പ​മാ​ണ് ആ​രം​ഭി​ച്ച​ത്.

മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വ​രു​ന്ന രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും വി​ദ്യാ​ർ​ഥി​ക​ൾ​ക്കും പൊ​തു​ജ​ന​ങ്ങ​ൾ​ക്കും സൗ​ജ​ന്യ​മാ​യി നി​യ​മ​സ​ഹാ​യം ന​ൽ​കു​ക​യെ​ന്ന​താ​ണ് ല​ക്ഷ്യം. സ്ത്രീ​ക​ൾ, കു​ട്ടി​ക​ൾ, ഭി​ന്ന​ശേ​ഷി​ക്കാ​ർ, മ​നോ​രോ​ഗി​ക​ൾ, ക​ലാ​പ​ത്തി​നി​ര​യാ​കു​ന്ന​വ​ർ, ജ​യി​ലു​ക​ളി​ലും ഹോ​മു​ക​ളി​ലും താ​മ​സി​ക്കു​ന്ന​വ​ർ, വ്യ​വ​സാ​യ തൊ​ഴി​ലാ​ളി​ക​ൾ, പ​ട്ടി​ക​ജാ​തി പ​ട്ടി​ക​വ​ർ​ഗ​ത്തി​ൽ​പെ​ട്ട​വ​ർ, മൂ​ന്നു ല​ക്ഷ​ത്തി​ൽ താ​ഴെ വാ​ർ​ഷി​ക വ​രു​മാ​ന​മു​ള്ള പു​രു​ഷ​ന്മാ​ർ തു​ട​ങ്ങി​യ​വ​ർ​ക്ക് സൗ​ജ​ന്യ നി​യ​മ​സ​ഹാ​യ​ത്തി​ന് അ​ർ​ഹ​ത​യു​ണ്ട്.

ച​ട​ങ്ങി​ൽ ജി​ല്ല നി​യ​മ​സേ​വ​ന അ​തോ​റി​റ്റി സെ​ക്ര​ട്ട​റി​യും സ​ബ് ജ​ഡ്ജു​മാ​യ എം.​പി. ഷൈ​ജ​ൽ അ​ധ്യ​ക്ഷ​ത വ​ഹി​ച്ചു. കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ ഡോ. ​അ​ശോ​ക​ൻ മു​ഖ്യാ​തി​ഥി​യാ​യി. ആ​ശു​പ​ത്രി സൂ​പ്ര​ണ്ട് ഡോ. ​ശ്രീ​ജ​യ​ൻ സ്വാ​ഗ​ത​വും ജി​ല്ല നി​യ​മ സേ​വ​ന അ​തോ​റി​റ്റി സെ​ക്ഷ​ൻ ഓ​ഫി​സ​ർ ഇ​ൻ ചാ​ർ​ജ് പ്ര​ദീ​പ് ഗോ​പി​നാ​ഥ് ന​ന്ദി​യും പ​റ​ഞ്ഞു.