ജൈവകൃഷി പ്രോത്സാഹിപ്പിക്കുന്നതിനും ഭക്ഷ്യോത്പാദനത്തിൽ സ്വയംപര്യാപ്തത കൈവരിക്കുന്നതിനുമുള്ള ആഹ്വാനവുമായി ബുധനാഴ്ച കോഴിക്കോട്ട് വിവിധ പരിപാടികളോടെ കർഷകദിനം ആചരിച്ചതു. വനം വകുപ്പ് മന്ത്രി എ.കെ. ശശീന്ദ്രൻ കുരുവട്ടൂരിൽ ജില്ലാതല ഉദ്ഘാടനം ചെയ്തു. കർഷകരെ ചടങ്ങിൽ ആദരിച്ചു. കുരുവട്ടൂർ ഗ്രാമപഞ്ചായത്ത് പ്രസിഡന്റ് എ.സരിത ഉദ്ഘാടന പരിപാടിയിൽ അധ്യക്ഷത വഹിച്ചു. ജില്ലയിലെ വിവിധ കൃഷിഭവനുകളുടെ നേതൃത്വത്തിൽ സംഘടിപ്പിച്ച മേഖലാ ആഘോഷങ്ങളുടെ ഭാഗമായി എല്ലാ ബ്ലോക്ക്, ഗ്രാമപഞ്ചായത്തുകളും പങ്കെടുത്തു.
