നാലു മാസത്തിനകം സൈബർപാർക്കിലെ പുതിയ കെട്ടിടത്തിന്റെ നിർമാണം ആരംഭിക്കുമെന്ന് കേരള സ്റ്റേറ്റ് ഇൻഫർമേഷൻ ടെക്നോളജി ഇൻഫ്രാസ്ട്രക്ചർ ലിമിറ്റഡ് (കെ.എസ .ഐ.ടി.ഐ.എൽ) മാനേജിംഗ് ഡയറക്ടർ ഡോ സന്തോഷ് ബാബു അറിയിച്ചു. നിലവിലുള്ള കെട്ടിടത്തിന് സമീപമാണ് കെട്ടിടത്തിനുള്ള സ്ഥലം കണ്ടെത്തിയതെന്നും സർക്കാർ സൈബർpark സന്ദർശിച്ച ശേഷം മാധ്യമപ്രവർത്തകരോട് സംസാരിക്കവെ അദ്ദേഹം പറഞ്ഞു.
രണ്ടര ഏക്കർ സ്ഥലത്താണ് നാല് ലക്ഷം ചതുരശ്ര അടി വിസ്തീർണമുള്ള പുതിയ കെട്ടിടം നിർമിക്കുന്നത്. ഇതിന്റെ രൂപകല്പനയും നിർമ്മാണവും കെ.എസ .ഐ.ടി.ഐ.എൽ ഏറ്റെടുക്കും. 184 കോടി രൂപ ചെലവിൽ പുതിയ കെട്ടിടം നിർമിക്കാൻ മന്ത്രിസഭ അംഗീകാരം നൽകി. ഈ പദ്ധതിക്ക് 100 കോടി രൂപ കിഫ്ബി (കേരള ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ഫണ്ട് ബോർഡ്) നൽകുന്നതുകൊണ്ട്, വിശദമായ പ്രോജക്ട് റിപ്പോർട്ട് (ഡിപിആർ) കിഫ്ബി അംഗീകരിക്കേണ്ടതുണ്ട്. ഇത് അനുവദിച്ചാൽ ഡിസംബറിൽ നിർമാണം തുടങ്ങാനാകുമെന്നാണ് പ്രതീക്ഷ. ബാക്കി തുക ഇനിയും ലഭ്യമാകേണ്ടതുണ്ട്.
